Կադիրովը պատմել է Չեչնիայում հատուկ նշանակության ուժերի միջազգային կենտրոնի կառուցման մասին (տեսանյութ)
Չեչնիայի ղեկավար Ռամզան Կադիրովը հայտնել է, որ Գուդերմեսում հատուկ նշանակության ուժերի միջազգային ուսումնական կենտրոնի շինարարությունն ընթանում է արագացված տեմպերով, շատ օբյեկտներ արդեն գրեթե պատրաստ են հանձնման, գրում է «ՌԻԱ Նովոստի»-ն:
«Սկսվել են աշխատանքները թռիչքուղու վրա: Այստեղ կաշխատեն լավագույն մարզիչները և բարձր կարգի մասնագետները: Ընտրությունն արդեն սկսվել է»,- գրել է Կադիրովն Instagram-ի իր էջում՝ կենտրոն այցելելուց հետո:
Կադիրովի խոսքով՝ կառուցվող ուսումնական կենտրոնի նկատմամբ հետաքրքրություն են ցուցաբերում երկրի բոլոր ուժային կառույցները և տասնյակ օտարերկրյա հատուկ ծառայություններ:
Գուդերմեսում կառուցվող միջազգային ուսումնական կենտրոնը զբաղեցնում է ավելի քան 400 հեկտար տարածք: