Трамп се закани со укинување на помошта на земјите кои во ОН ќе гласаат против САД

Американскиот претседател Доналд Трамп се закани дека ќе им ја укине помошта на земјите ако гласаат за резолуцијата на Обединетите нации во која се осудува неговото признавање на Ерусалим како главен град на Израел. „Ќе ги забележиме тие гласови“, изјави тој во Белата куќа, осудувајќи ги сите земји кои, како што рече, земаат американски пари и потоа гласаат против САД во Советот за безбедност или Генералното собрание. „Нека гласаат против нас ќе заштедиме многу пари“, изјави тој. Се очекува Генералното собрание на ОН денеска да гласа за резолуција со која се отфрлува одлуката на Трампи оти таа ќе биде усвоена со мнозинство гласови.