Делото на Лазески како опомена за зачувување на вистинските вредности

Шеесеттина дела од речиси сите творечки фази на авторот ќе бидат претставени на изложбата „Борко Лазески 1917-1993“, која во периодот од 15 февруари до 5 април годинава, ќе се одржи во Националната галерија на Македонија во Даут пашин амам во Скопје. Поставката, заедно со одржаната промоција на монографското издание, е вториот од трите настани со кои чествува 100-годишнината од раѓањето на Лазески.