«Սմոլվիլի գաղտնիքները» հեռուստասերիալի աստղը կասկածվում է կանանց սեռական ստրկության վաճառելու համար
Ամերիկացի դերասանուհի Էլիսոն Մեկը, որը հայտնի է «Սմոլվիլի գաղտնիքները» հեռուստասերիալում Քլոե Սալիվանի դերով, ձերբակալվել է Nxivm աղանդին անդամակցելու և կանանց սեռական ստրկության վաճառելու համար: Այս մասին տեղեկացնում է Reuters գործակալությունը՝ հղում անելով դաշնային դատախազներին:
Նշվում է, որ դերասանուհին մեղադրվում է կանանց հավաքագրելու համար, որոնց ստիպել են սեռական կապի մեջ մտնել Nxivm-ի ղեկավար Քիթ Ռանյերի հետ և խարանել են նրա անվան սկզբնատառերով:
Աղբյուրը մանրամասնում է, որ աղանդի մեջ ներգրավվել է ընդհանուր առմամբ 50 կին, որոնց հավաքագրելու համար Մեկը վարձատրություն է ստացել Ռանյերից: Վերջինս ղեկավարել է Nxivm-ը վերջին 20 տարվա ընթացքում և ձերբակալվել 2018 թվականի մարտին:
ԱՄՆ դատախազությունում հայտնել են, որ Nxivm-ի անդամ դառնալու ժամանակ մարդիկ ստիպված են եղել տեղեկություններ տրամադրել իրենց ընտանիքի և ընկերների մասին, ինչպես նաև՝ տրամադրել իրենց անկեղծ լուսանկարները և սեփականության իրավունքը:
Fox News-ի հաղորդմամբ՝ «Սմոլվիլի գաղտնիքները» հեռուստասերիալի մեկ այլ աստղ՝ դերասանուհի Քրիստին Քրոյկը, մեղադրվում է կանանց հավաքագրելուն հանցակից լինելու համար:
Քրոյկը հերքել է մեղադրանքները՝ մանրամասնելով, որ ինքը եկել է Nxivm 23 տարեկանում՝ ամաչկոտությունը հաղթահարելու համար, սակայն լքել է այն 5 տարի առաջ: