საოკუპაციო ხაზთან კიდევ ორი მოქალაქე დააკავეს
რუსეთის საოკუპაციო ძალების წარმომადგენლებმა გორის მუნიციპალიტეტის სოფელ ბერშუეთთან დააკავეს საქართველოს ორი მშვიდობიანი მოქალაქე. რადიო თავისუფლების კორესპონდენტის ინფორმაციით, ე.წ. საზღვრის დარღვევისთვის დაკავებულნი არიან 27 წლის გოჩა ბერიანიძე და 19 წლის ნიკოლოზ ჯავახიშვილი. მათ სავარაუდოდ, გადაიყვანენ ოკუპირებული ცხინვალის იზოლატორში.