Юл кагыйдәләрен бакчадан ук өйрәнәләр
Зәйнең ЮХИДИ бүлеге юл куркынычсызлыгы фонды җирле филиалы белән берлектә юл кагыйдәләрен кече яшьтән өйрәтүгә игътибарны юнәлтү буенча “Яшел ут” муниципаль бәйгесенең чираттагысын оештырды. Анда төрле балалар бакчалары юл кагыйдәләре тематикасы буенча тетрлаштырылган тамашалар күрсәтеп ярышты. Нәтиҗәдә беренче урынга шәһәрнең “Уймак кыз”, икенче урыннарга “Аленка” һәм “ Урман әкияте” бакчалары, өченче урынга “Салават күпере” белән “Кояшкай” чыкты.