Быел Изге Болгар җыены 14 июньдә үтә

Быел Изге Болгар җирендә җыен 14 июньдә үткәреләчәк. Анда “Милли тормыш һәм дин” VI Бөтенроссия татар дин әһелләре форумында катнашучы Россиянең 62 төбәгеннән килгән вәкилләрнең катнашуы көтелә. Ә Изге Болгар җыенына барырга теләүчеләргә сораулар белән үз җирлекләрендәге дини оешмаларга мөрәҗәгать итәргә мөмкин, дип хәбәр итә Бөтендөнья татар конгрессы башкарма комитеты.