Հնդկաստանում դաշտում լքված նորածինը ողջ է մնացել գիշերն իրեն շրջապատած շների ջերմության շնորհիվ (լուսանկարներ)
Հնդկաստանում ծնողների կողմից լքված նորածինը կարողացել է ցուրտ գիշերն անցկացնել ու ողջ մնալ՝ իրեն շրջապատած շան և նրա ձագերի ջերմության շնորհիվ:
Ինչպես գրում է Daily Mail-ը, նորածին աղջիկը հայտնաբերվել է Սարիստալ գյուղի դաշտում՝ շան ձագերով շրջապատված: Փոքրիկը միանգամայն անվնաս է եղել. տեղացիները նրան գտել են լացի արդյունքում: Երեխան պառկած է եղել հողին՝ պորտալարը չկտրած:
Նորածինը հոսպիտալացվել է:
Գյուղացիները նշել է, որ երեխայի ողջ մնալն ուղղակի հրաշք է, քանի որ տարվա այս եղանակին գիշերը բավականին ցուրտ է լինում: Նրանց խոսքով՝ նորածնին փրկել է շների մարմնի ջերմությունը:
Ներկայում ոստիկանությունը փնտրում է երեխային ծնողներին: