სახელმწიფო ღალატისთვის გასამართლებული ივან საფრონოვი სადამსჯელო იზოლატორში მოათავსეს
კრასნოიარსკის ოლქის No 7 შრომა-გასწორების კოლონიის ადმინისტრაციამ ზაფხულის დამდეგს ჟურნალისტი ივან საფრონოვი სადამსჯელო იზოლატორში გაგზავნა, შემდეგ კი ის საავადმყოფოში იმყოფებოდა. ამის შესახებ მან მისწერა აქტივისტ ოლგა ელსაკოვას, რომელმაც მიმოწერა OVD-Info-ს გადასცა.
რამდენ ხანს და რა ვადით გაგზავნეს ჟურნალისტი სადამსჯელო იზოლატორში, უცნობია. მან ელსაკოვასთვის წერილის წერა 1 ივნისს დაიწყო, მაგრამ იმავე დღეს მოათავსეს იზოლატორში, შემდეგ კი სამედიცინო განყოფილებაში. წერილის დასრულება მხოლოდ 18 ივნისს შეძლო. ტექსტში ნათქვამია, რომ სამი დღის შემდეგ ის შეიძლება კვლავ სამკურნალოდ გაგზავნონ.
„ზაფხულის დასაწყისი რატომღაც არც ისე კარგი გამოდგა. მაგრამ, სულ მცირე, გულუბრყვილო იქნებოდა რუსეთის სასჯელაღსრულების სისტემისგან სხვა რამის მოლოდინი - ყველაფერი შეიძლება შეიცვალოს ძალიან მოულოდნელად და ფაქტობრივად ერთ მომენტში“, - წერს საფრონოვი. მისი მხარდამჭერი ჯგუფი ტვიტერში აღნიშნავს, რომ ეს არის ყველაფერი, რაც ცნობილია სიტუაციის შესახებ. „ჩვენ ვცდილობთ, გავარკვიოთ დეტალები“, - ნათქვამია ტვიტერის პოსტში.
საფრონოვი „კომერსანტისა“ და „ვედომოსტის" ყოფილი სპეციალური კორესპონდენტია, ის წერდა სამხედრო-სამრეწველო კომპლექსისა და კოსმონავტიკის შესახებ. სექტემბერში სასამართლომ იგი დამნაშავედ ცნო ნატოს ქვეყნების დაზვერვის თანამშრომლებისთვის სახელმწიფო საიდუმლოებასთან დაკავშირებული ინფორმაციის გადაცემაში. ის ბრალს უარყოფს.
დაპატიმრებამდე ცოტა ხნით ადრე საფრონოვმა მიატოვა ჟურნალისტიკა და დაიწყო მუშაობა „როსკოსმოსში“. ამის მიუხედავად, მისი კოლეგები და ადვოკატები დარწმუნებულები არიან, რომ დევნა მისი ჟურნალისტური საქმიანობის შედეგი იყო. ფსბ-ს გამომძიებლები მას სასჯელის შემსუბუქებას დაჰპირდნენ მისი წყაროების დასახელების სანაცვლოდ.
რამდენ ხანს და რა ვადით გაგზავნეს ჟურნალისტი სადამსჯელო იზოლატორში, უცნობია. მან ელსაკოვასთვის წერილის წერა 1 ივნისს დაიწყო, მაგრამ იმავე დღეს მოათავსეს იზოლატორში, შემდეგ კი სამედიცინო განყოფილებაში. წერილის დასრულება მხოლოდ 18 ივნისს შეძლო. ტექსტში ნათქვამია, რომ სამი დღის შემდეგ ის შეიძლება კვლავ სამკურნალოდ გაგზავნონ.
„ზაფხულის დასაწყისი რატომღაც არც ისე კარგი გამოდგა. მაგრამ, სულ მცირე, გულუბრყვილო იქნებოდა რუსეთის სასჯელაღსრულების სისტემისგან სხვა რამის მოლოდინი - ყველაფერი შეიძლება შეიცვალოს ძალიან მოულოდნელად და ფაქტობრივად ერთ მომენტში“, - წერს საფრონოვი. მისი მხარდამჭერი ჯგუფი ტვიტერში აღნიშნავს, რომ ეს არის ყველაფერი, რაც ცნობილია სიტუაციის შესახებ. „ჩვენ ვცდილობთ, გავარკვიოთ დეტალები“, - ნათქვამია ტვიტერის პოსტში.
საფრონოვი „კომერსანტისა“ და „ვედომოსტის" ყოფილი სპეციალური კორესპონდენტია, ის წერდა სამხედრო-სამრეწველო კომპლექსისა და კოსმონავტიკის შესახებ. სექტემბერში სასამართლომ იგი დამნაშავედ ცნო ნატოს ქვეყნების დაზვერვის თანამშრომლებისთვის სახელმწიფო საიდუმლოებასთან დაკავშირებული ინფორმაციის გადაცემაში. ის ბრალს უარყოფს.
დაპატიმრებამდე ცოტა ხნით ადრე საფრონოვმა მიატოვა ჟურნალისტიკა და დაიწყო მუშაობა „როსკოსმოსში“. ამის მიუხედავად, მისი კოლეგები და ადვოკატები დარწმუნებულები არიან, რომ დევნა მისი ჟურნალისტური საქმიანობის შედეგი იყო. ფსბ-ს გამომძიებლები მას სასჯელის შემსუბუქებას დაჰპირდნენ მისი წყაროების დასახელების სანაცვლოდ.