Кышкы юлда саклык кирәк
Зәй районы территориясендәге юлларда шимбә-якшәмбе көннәре тыныч булмады. Шимбә көнне шәһәрнең Октябрь урамында тиеш урыннан урамны аркылы йөгереп чыгучы 16 яшьлек яшүсмерне җиңел машина бәрдерә. Яшүсмер тән җәрәхәтләре алды. Ә кичә – 10 гыйнварда Зәй-Сухрау юлының 13нче километрында “Калина” машинасын йөртүче каршы як полосага чыгып хәрәкәт иткәндә каршыга килүче икенче җиңел машинага бәрелә. Нәтиҗәдә ике машинаның да йөртүчеләре тән җәрәхәтләре ала. Юл хәрәкәте иминлеге дәүләт автоинспекциясе хезмәткәрләре кышкы юлларда аеруча сак булуны сорый.