Татарстан коткаручылары Чулман елгасы утравындагы ике кешене ярга чыгарган
Әлеге хәл Чистай районында булган.
Татарстанның кече суднолар буенча дәүләт инспекциясе хезмәткәрләре Чулман елгасындагы Шунгут утравындагы 1986 елгы ике хатын-кызны коткарган. Бу хакта ТР Гражданнар оборонасы эшләре һәм гадәттән тыш хәлләр министрлыгы хәбәр итә. Көймәләренең моторы эштән чыгу сәбәпле, алар мөстәкыйль рәвештә ярга чыга алмаган.