Ветеринария табиблары яңа автомобильле булды
Кичә район ветеринария берләшмәләренә яңа «Нива» һәм «Лада Гранта» автомобильләре ачкычлары тапшырылды. Аларны тапшыру тантанасы Казанда Игенчеләр сарае янындагы мәйданчыкта узды. Заманча системалар белән җиһазландырылган автомобильләргә республика районнары ветеринария хезмәтләренең 50се ия булды. Алар арасында Зәй ветеринария хезмәте дә бар. Яңа машина шәһәрдәге ветеринария клиникасы өчен булачак.