Спайс белән агуланганнар
Дүрт егет спайс белән агуланган. Бу Түбән Камада булган.
Иң кечесенә 17 яшь. Табиблар башта шифаханәгә аңсыз яткан 25 яшьлек егетне китергәннәр, дип хәбәр итә “Эфир-24”. Наркотик кулланудан исергән 17 яшьлек үсмерне туп-туры наркодиспансерга озатканнар. Агуланучылар арасында шулай ук 20 һәм 23 яшьлек егетләр дә бар. Полиция хезмәткәрләре искәртүенчә, бер ай эчендә 10 түбәнкамалы спайс белән агуланган.