Новости за 29.08.2018

"Ахьӡ архынҳәра" ҳәа хьӡыс измоу апроект аетап ҿыц иазку апресс-конференциа мҩаԥысит Sputnik апресс-центр аҟны ахаша нанҳәа 29 рзы.

101 шықәса дшырҭагылаз иԥсҭазаара далҵит Аџьынџьтәылатә еибашьра Дуӡӡа аветеран, раԥхьаӡатәи Аиааира Ду апарад алахәҩы Арсен Амбарцум-иԥа Чакриан.

Арҵаратә медиа-проект SputnikPro мҩаԥысраны иҟоуп Аҟәа, нанҳәа 30 - 31 рзы.

Очамчыра араион аҵара аҟәша аиҳабы Феликс Џьынџьиа арадио Sputnik аефир аҟны еиҭеиҳәеит араион ашколқәа рҭагылазаашьа зеиԥшроу.

Аҧсны иҟоу Урыстәылатәи Аладатәи арратә Округ хышәҩык инарзынаԥшуа аррамаҵзурауаа 40 ак атехника алархәны абнараҿи ашьхараҿи имҩаԥыргеит аԥшыхәратә ҵара, ҳаамҭа иақәшәо арратә хархәагақәа рыцхыраарала.

Нанҳәа 24 рзы аԥснытәи аномерқәа змаз автомашьына иақәтәаз идырым ауаа Шәача атәылауаҩ 30 миллион мааҭ зҭаз ишәыра имԥаан ибналеит. Убри инадҳәаланы ақалақь аҿы еиҿыркааит аплан "Перехват". Аԥшаарақәа рыҽрыладырхәит Аԥсны Аҩныҵҟатәи аусқәа рминистрра аусзуҩцәагьы.

Урыстәылатәи атуристцәа зҭаз автобуси афуреи аидарамҩангагеи Ҭырқәтәыла. Апассаџьыртә автобус абри ашьҭахь ажра иҭаҳаит. Амҩатә машәыр ҟалеит ашьыжь асааҭ 5:00 рзы, ахаша.

Гәдоуҭа агранатаршәгала амашьына иаехсит. Агранатаршәга ааигәа ирбеит.