Новости за 16.02.2018

Пхенчханехь олимпикан турнирехь Оьрсийчоьнан хоккейн тобано Словенерчу ловзархошца толам боккхуш хиллачу матчехь Сталинан а, Путинан а суьрташ тIехь долу баннерш гучудаьхна Оьрсийчуьрчу фанаташа. "Спорт-Экспрессан" коьртачу редакторан гIовса Симонов Дмитрийс Твиттерерчу шен агIон тIехь публикаци йина суьртийн. Цхьана баннер тIехь триколоран фонехь гуш Сталин Иосифан сурт ду, шолгIачунна тIехь Оьрсийчоьнан спортхошца Путин Владимиран сурт.

Соьлж-ГIалин 200 шо кхачар даздаран гурашкахь ХIиндойчоьнан културан фестивал дIахьур ю Нохчийчохь. ХIиндойчоьнан векало Саран Панкаджа пIераскандийнахь бина и хаам журналисташка. "Нохчийчохь и фестивал дIаяхьа барт хилла тхан. Кеп-кепарчу элементашкахь хир ю и – кинофестивал, хIиндойн хелхарш, музыка, тхан културан Нохчийчохь евзаш йолу кхийолу аспекташ а", - аьлла ХIиндойчоьнан векало. Цо бахарехь, хIиндойн лаьтта тIехь нохчийн култура йовзуьйтуш, таронаш а лоьхур ю тIейогIучу хенахь. Шинаридийнахь... Читать дальше...

Меттигерчу 26 шо долчу вахархочунна дуьхьадаьккхинчу гIуллакхан хьокъехь талламаш берзий Астраханерчу талламчаша. 282-чу артиклаца (халкъашна юкъахь мостагIалла я цабезам баржор, къоман башхаллаш къестош, сийсаздар) бу цуьнга кховдийна бехк. Социалан машанерчу шен пена тIехь сурт хIоттийнера цо, Кавказан а, Юккъерчу Азин а бахархойн сийдайарца аьлла Астрахан кIоштарчу Талламан комитето. Бинчу талламаша йозанаш экстремизме лерина. Кировн кхеле кхи дIа листа хьажийна долийна гIуллакх. Пхеа шаре... Читать дальше...

Оьрсийчоьнан Лакхарчу кхело пIераскандийнахь дIатеттина Собчак Ксенияс, Путин Владимирна йина регистраци юкъахъяккхар доьхуш, чуелла иск. Маршо Радион корреспонденто бина и хаам кхел йоьдучу хIусамчуьра. Масийттазза оцу даржехь лаьттинчу Путинан бакъо яц юха президенталле гIерта аьлла дара Собчакан дIахьедарехь. Бух боцуш лерина Оьрсийчоьнан харжамийн комитето журналистан арз. Путин Владимиран 65 шо ду. 2000-чу шарахь дуьйна ву иза Оьрсийчоьнан куьйгаллехь. Президентан даржехь 13 шарахь хилла иза. Читать дальше...

Санкт-Пелтенерчу кхелехь еаридийнахь йолаеллачу кхелан процессехь шина бехкевечунна хенаш тоьхна. Царех цхьаъ нохчи ву. Цунна ши шо хан кхайкхина. Иштта ши шо тоьхна цуьнца цхьаьна кхеле озийна хиллачу кхин а цхьана жимчу стагана а. Верриге а Лахарчу Австрин кхелехь дов хатта валийнарг 7 стаг вара, Боснера а, Македонера а, Нохчийчуьра а орамаш долуш. Им диллина австрихо а вара цаьрца. 19 шарера 24 шаре кхаччалца хенаш йолу и кегийнах бехке беш бу террорхойн тоба кхолларна а, криминалечу леламийн декъахиларна а. Читать дальше...

ГIалгIайчоьнан маьждигашкахь бечу хьехамашкахь политика ца йийцийтархьама, мехкан куьйгалхочо Евкуров Юнус-Бека видеокамераш хIиттийна, тIаьхь терго латтор ю аьлла. Хьаькамашна критика ца яйта Iалашонца тIеэцна и сацам аьлла хета махкарчу муфтиятна. 2016-чу шарахь дуьйна, "Кавказан узел" агенталлан хаамашца, Евкуровс тIедиллинера маьждигашкахь камераш хIиттор. Назранерчу Наьсарарчу маьждигна хьалха машен эккхийтинчул тIаьхьа динера ишта дIахьедар. ХIетахь 4 стагна чевнаш йира динчу эккхийтарехь. Читать дальше...

Дахначу шарахь Оьрсийчоьнан тIеман буьйранчаша исторехь  уггар а дезачух, хIаллакден кибер-тIелатар дина аьлла, дIахьедина КIайчу цIийно. Iамеркан администрацин пресс-гIуллакххоша бо и хаам пIераскандийнахь. Цара билгалдаккхарехь, "NotPetya" цIе йолу кибер-атака Европана а, Азина а, Iамеркана а миллиардашкахь долларшкахь зенаш а деш, яржийна доллучу дуьненахь. Хаамехь ишта дуьйцу, и кибер-тIелатар - цхьа дакъа хиларх Кремло Украинехь латточу дестабилизацин а, оцу конфликтехь шаьш дакъалацар дIахаийтаран а. Читать дальше...

Соьлж-ГIаларчу "Мемориалан" куьйгалхочун Титиев Аюбан гIуллакхна тIе ца тоьа уггар а мехал тоьшаллаш аьлла, дIахьедина цуьнан адвокаташа. Титиевн адвокате талламчаша хаамбина, иза дуьххьара лаьцна валийначу полисхойн декъехь видеокамераш цу дийнахь болх беш ца хилла аьлла. Маршо Радионо ма яздарра, Титиев Аюб лаьцна латтош ву байнау беттан 9-чу дийнахь дуьйнна. Цуьнан машенчуьра полисхоша марихуана яьккхина аьлла бу, цуьнга кховдийна бекх. Ша Титиевс а, бакъонашларъярхоша а, журналисташа а полисхоша цунна наркотикаш кхийсина ю аьлла... Читать дальше...

Гуттаренна а Оьрсийчоьнан урхалла деш вуьсийла Путин Владимир аьлла Нохчийчоьнан куьйгалхочо Кадыров Рамзана. Нохчийн къоман дуьхьа а, йоллу пачзхьалкхан дуьхьа а цо мел динчунна а, тахана а дечунна а даггара баркалла аьлла мехкан куьйгалхочо Республикан президент ша хIоттийна 11 шо кхачарна леринчу постехь Твиттерехь язйина Кадыровс ишта. "Сох тийшира Путин, со къона вара аьлла ца Iаш, республика сох тешийра цо", - яздо Кадыровс. Путинан гIоьнца махкахь терроризман хьу ца йитина, йоьхна, яьржина хилла республика юхаденйина аьлла цо. Читать дальше...