ბერლინში ტერაქტის მომზადებაში ეჭვმიტანილი დააკავეს
გერმანიის გენერალურმა პროკურატურამ 22 აგვისტოს ბერლინში ტერაქტის მომზადებაში ეჭვმიტანილი რუსეთის მოქალაქე დააკავა. მას დანაშაულის ასაფეთქებელი ნვთიერების გამოყენებით მომზადების მცდელობას ედავებიან. კერძოდ, გამოძიების თანახმად, 31 წლის მაგომედ ალი ს-ს, რომლის გვარსაც არ ასახელებენ, მარსელში 2017 წლის გაზაფხულზე დაკავებულ დაჯგუფებასთან ჰქონდა კავშირი. აღნიშნულ საქმეზე მაშინ საფრანგეთის პოლიციამ ორი პირი დააკავა. ისინი, სამართალდამცავთა თანახმად, საპრეზიდენტო არჩევნების დროს ერთ-ერთი საარჩევნო უბნის აფეთქებას აპირებდნენ.