Новости за 21.12.2024

უკრაინის საჰაერო თავდაცვის ცნობით, რომელსაც “უკრაინსკაია პრავდა” ავცელებს, 21 დეკემბერს რუსეთმა უკრაინაზე იერიში მიიტანა С-400-ის ტიპის რაკეტით და 113 დრონით. უკრაინის მხარის თანახმად, მათგან 57 ჩამოაგდეს, 56 - დაიკარგა. საზენიტო მართვადი - С-400 -ის ტიპის რაკეტა დონეცკიდან გაუშვეს და პოლტავის რეგიონის მიმართულებით გატყორცნეს. დრონებით იერიშის დროს, რომლებიც უკრაინის ბევრ რაიონზე განხორციელდა, ზაპოროჟიეს და ხარკოვის ოლქში ჩამოგდებული დრონის ნამსხვრევები დაეცა საცხოვრებელ სახლს და ადამიანები დააშავა. Читать дальше...

რესპუბლიკელი კონგრესმენი - ჯო უილსონი წერს, რომ ტელეფონით ესაუბრა პრეზიდენტ სალომე ზურაბიშვილს, რომელსაც ეთანხმება - ახალი არჩევნების დანიშვნის აუცილებლობაში.

2024 წლის 18 დეკემბერს ჩეხეთის სენატმა მხარი დაუჭირა რეზოლუციას, რომელიც გენოციდის აქტად აღიარებს 1944 წელს ყირიმელი თათრების დეპორტაციას.

რუსთაველის გამზირზე ისევ ხალხმრავლობაა - ავტომობილების სავალი გზა გადაკეტილია. მთავარ აქციას თანდათან უერთდებიან დღის განმავლობაში დაგეგმილი აქცია-მსვლელობების მონაწილეები. ​პროტესტის 24-ე დღეს, 21 დეკემბერს, თბილისში 20-ზე მეტი მარში იყო დაგეგმილი.

რუსეთის ქალაქ ვოლოგდაში საბჭოთა პერიოდის დიქტატორის იოსებ სტალინის ძეგლი გახსნეს. მანამდე, რამდენიმე საათით ადრე, ოლქის გუბერნატორმა, გიორგი ფილიმონოვმა, რომელიც ძეგლის გახსნასაც დაესწრო, ყვავილები მიიტანა პოლიტიკური რეპრესიების მსხვერპლის მემორიალთან, იტყობინება Север.Реалии. ძეგლი დადგეს სახლ-მუზეუმის ტერიტორიაზე, სადაც სტალინი ცხოვრობდა გადასახლებაში 1911 წლის დეკემბრიდან 1912 წლის თებერვლამდე. გუბერნატორმა თქვა, რომ სტალინი ადამიანია, რომელმაც „წაუშლელი კვალი დატოვა ჩვენი ქვეყნის ისტორიაში“ - და იქვე დასძინა... Читать дальше...

21 დეკემბერს, ყაზანში საცხოვრებელ შენობებს შეეტაკა რამდენიმე დრონი. ქალაქის მერია აცხადებს, რომ ხანძარი გაჩნდა სოვეცკის, კიროვისა და პრივოლჟიეს რაიონებში. როგორც თათრეთის ხელმძღვანელის პრესსამსახურმა განაცხადა, ქალაქში აღირიცხა სულ რვა უკრაინული დრონი, მათ შორის სამრეწველო საწარმოს ტერიტორიაზე და საცხოვრებელ არეალებში. ოფიციალური მონაცემებით, მსხვერპლი არ არის. თათრეთის ჯანდაცვის სამინისტრომ ყაზანის საავადმყოფოებში მაღალ მზადყოფნაში გამოაცხადა. დრონებით იერიში კერძოდ, Azure Skies-ის და Manhattan-ის... Читать дальше...

“გადავდივართ ყველანი ერთად ახალ ეტაპზე იმ ძირითადი მოთხოვნისა - რასაც ჰქვია ახალი არჩევნების დანიშვნა“, - განაცხადა პრეზიდენტმა სალომე ზურაბიშვილმა სასახლეში გამართულ ბრიფინგზე, რომელიც ოპოზიციური პარტიებისა და არასამთავრობო სექტორის წარმომადგენლებთან გამართულ შეხვედრას მოჰყვა.

აშშ-ის წარმომადგენელთა პალატამ 20 დეკემბერს, გვიან, მიიღო კანონპროექტი, რის საშუალებითაც თავიდან იქნა აცილებული შუაღამის შემდეგ „მთავრობის დახურვა“ მიუხედავად აშშ-ის პრეზიდენტად არჩეული დონალდ ტრამპის მოთხოვნისა, დაემტკიცებინათ სახელმწიფო ვალის ლიმიტის გაზრდა. კანონპროექტს 366 წარმომადგენელი მიემხრო, წინააღმდეგი იყო - 34. ახლა ეს კანონპროექტი სენატმა უნდა დაამტკიცოს, რათა გაეგზავნოს პრეზიდენტ ჯო ბაიდენს. თეთრმა სახლმა განაცხადა, რომ ბაიდენი მას ხელს მოაწერს, რათა აშშ-ის მთავრობის შეუფერხებელი მუშაობა უზრუნველყოს. Читать дальше...

ადგილობრივი სადამკვირვებლო ორგანიზაციები აცხადებენ, რომ “უკიდურესად კრიტიკულია” საბოლოო ანგარიში, რომელიც OSCE/ODHIR-მა 26 ოქტომბრის არჩევნებთან დაკავშირებით გამოაქვეყნა. ეს დოკუმენტი მათთვის კიდევ ერთი საფუძველია, რომ “საქართველოში ახალი არჩევნები ჩატარდეს”.

ისრაელის არმიამ 21 დეკემბერს გამოაცხადა, რომ ვერ მოახერხა გადაეტაცა რაკეტა, რომელიც ჰუთის მიმდევარმა იემენელმა მეამბოხეებმა ისროლეს. შედეგად რაკეტა თელ-ავივში, იაფის რაიონში ჩამოვარდა, რის შედეგადაც დაშავდა 16 ადამიანი. Reuters-ის ცნობით, ბევრი მოქალაქე იძულებული გახდა დაეტოვებინა საცხოვრებელი. ეს ასეთი ტიპის მეორე თავდასხმაა ბოლო დღეებში, იტყობინება სააგენტო. თვითონ ჰუთიტებმა განაცხადეს, რომ „სამხედრო სამიზნეს“ იაფაში ბალისტიკური რაკეტა ესროლეს. Reuters-ით თანახმად, დაშავებულებს მსუბუქი დაზიანებები აქვთ... Читать дальше...

20 დეკემბრის საღამოს გერმანიის ქალაქ მაგდებურგის საშობაო ტრადიციულ ბაზრობაზე თავდასხმის შედეგად დაღუპულთა რაოდენობა გაიზარდა და ხუთს მიაღწია. დაშავებულია 200 ადამიანი, მათ შორის 40 მძიმედ არის, - განაცხადა ზაქსენ-ანჰალტის მხარის პრემიერ-მინისტრმა, რაინერ ჰაზელოფმა. გერმანიის კანცლერმა, ოლაფ შოლცმა მაგდებურგში მომხდარს “საშინელი ქმედება” უწოდა. მისი თქმით, ახლა მნიშვნელოვანია გამოძიება, ბოროტმოქმედის მოტივები დავადგინოთ, რათა საჭირო დასკვნები გაკეთდეს. კანცლერმა გერმანიის მოქალაქეებს ერთიანობისკენ მოუწოდა. Читать дальше...

ნორვეგიის საგარეო საქმეთა მინისტრი, ესპენ ბარტ ეიდე სოციალურ პლატფორმა X-ზე წერს, რომ ეუთო/ოდირის [OSCE/ODHIR] სადამკვირვებლო მისიის საბოლოო ანგარიში 26 ოქტომბრის არჩევნებზე წინასწარ არსებულ ეჭვებს ადასტურებს. „ჩვენი სერიოზული შეშფოთება დაადასტურა OSCE/ODHIR-მა, თავის საბოლოო ანგარიშში, საქართველოში ახლახან ჩატარებულ არჩევნებზე. როდესაც არჩევნები დარღვევით ტარდება, დემოკრატია საფრთხის წინაშე დგას“, - აღნიშნავს ნორვეგიელი მინისტრი სოციალურ ქსელში.  26 ოქტომბრის არჩევნებთან დაკავშირებით საბოლოო დასკვნა ეუთო/ოდირმა 20 დეკემბერს გამოქვეყნდა. Читать дальше...

26 ოქტომბრის არჩევნების შესაფასებელ საბოლოო ანგარიშში ეუთო/ოდირი [OSCE/ODHIR] ჩამოთვლის პრიორიტეტულ რეკომენდაციებს, რომელთა შესრულებაც აუცილებელია დემოკრატიული არჩევების სტანდარტებთან დასაახლოებლად და მომავალი არჩევნების ხარისხის გასაუმჯობესებლად.

26 ოქტომბრის არჩევებთან დაკავშირებით ეუთო/ოდირის [OSCE/ODHIR] საბოლოო ანგარიშის გამოქვეყნების შემდეგ, საქართველოს პრეზიდენტი და ოპოზიციური პოლიტიკური ჯგუფები სრულ საფუძველს ხედავენ საქართველოში ახალი საპარლამენტო არჩევნების ჩასატარებლად. “სწორედ როდესაც "ქართული ოცნება" და პროპაგანდისტული არხი "იმედი TV" აცხადებენ, რომ ეუთო აღიარებს საქართველოს არჩევნების ლეგიტიმურობას. უცხოურ განცხადებებზე ტყუილი წესად იქცა… ძველი, კარგი საბჭოთა ჩვევა!!! დროა ჩვენმა პარტნიორებმა მოითხოვონ ახალი არჩევნები", - წერს საქართველოს პრეზიდენტი... Читать дальше...

პრეზიდენტი სალომე ზურაბიშვილი ფეისბუკის საკუთარ ანგარიშზე წერს, რომ ტყუილს შიდა პოლიტიკაზე, სოციალურ მდგომარეობასა და გარე სამყაროზე მართვის მთავარ იარაღად საბჭოთა კავშირი იყენებდა და „დასახვრეტ ადამიანებსაც ამიტომ აიძულებდნენ ამ ტყუილში მონაწილეობას და საკუთარ მოგონილ დანაშაულის აღიარებას“. „უკვე არც “რუსული” კანონები, თუ “რუსული” არჩევნები აღარ კმარა, ეხლა ქვეყანა ამ აცდენილ რეალობაში გადაიყვანონ უნდათ. ტოტალური ტყუილი სუფევს სადაც პარტნიორების განცხადებები საზოგადოებას გაყალბებულად წარუდგენენ, როცა უცხოელ პარტნიორებს უტიფრად ატყუებენ! Читать дальше...

ოთხი ოპოზიციური პარტია ["ძლიერი საქართველო", "ერთიანობა ნაციონალური მოძრაობა", კოალიცია "ცვლილებისთვის", "საქართველოსთვის"] 26 ოქტომბრის საპარლამენტო არჩევნებზე ეუთო/ოდირის დასკვნას საერთო განცხადებით ეხმაურება.