Әлемдегі бейбітшілікті қамтамасыз етуде Қазақ елінің рөлі жоғары - Түркия Елшісі Невзат Уянык

АСТАНА. ҚазАқпарат - Қазақ елі Тәуелсіздігін жариялаған алғашқы күндері бауырлас халықтың қуанышына ортақтасып, шын пейілмен бірнеше ғасырға созылған бодандықтың бұйдасын бұзып шыққанына риясыз ниетін білдірген елдердің бірі - Түркия Республикасы болатын. Тарих үшін қас-қағым сәт болғанымен, шынайы өмірде бұл қазақ халқы үшін ғасырларға татитын кезең екендігі айтпаса да түсінікті.