«Көне Түркістан» концепциясы 3 кезеңмен жүзеге асырылатын болады

АСТАНА. ҚазАқпарат - Түркістан қаласын әлемдік деңгейдегі тарихи-мәдени орталық ретінде дамыту үшін әзірленген  «Көне Түркістан» концепциясы 3 кезеңмен жүзеге асырылатын болады.  Көне шаһардың 99,6 гектар жер аумағын қамтитын концепцияның басты бағыттарының бірі - туристік индустрияны дамыту болып белгіленіп отыр.  Бүгін бұл туралы аймақтық коммуникациялар орталығында өткен брифингте Түркістан қаласының әкімі Әліпбек Өсірбаев мәлім етті.