Ақтауда қарыз дауы күтпеген оқиғамен аяқталды - фото

Ақтауда таныстар арасындағы қарызға байланысты туындаған қақтығыс көлікті қиратумен аяқталды, деп хабарлайды Tengri Auto.
Куәгерлердің айтуынша, оқиға 7-ші шағынауданда болған: белгісіз біреу автокөліктің алдыңғы және артқы терезелерін шаққан. Бейнежазбадан көлік салонында терезелерді сындыруға пайдаланылған кірпіштердің жатқанын көруге болады. Сондай-ақ көліктің шамдары сынып, капоты майысқан.
Куәгердің фотосы
Куәгердің фотосы
Полицияның баспасөз қызметі 13 мамырда болған бөтеннің мүлкін бүлдіру дерегі бойынша қылмыстық іс қозғалғанын хабарлады. Құқықбұзушы мен көлік иесі өзара таныс болып шыққан, олардың арасында қарызға қатысты дау туындаған. Қазіргі уақытта құқықбұзушы ұсақ бұзақылық дерегі бойынша қамауға алынған.

"Полиция азаматтарды барлық даулы мәселелерді, соның ішінде борыштық міндеттемелерге қатысты жайттарды тек құқықтық аяда шешуге шақырады",- деп атап өтті ведомство.

Соңғы процессуалдық шешім тергеу нәтижелері бойынша қабылданады.