ӘЛЕМ АПТА ІШІНДЕ: Клинтон мен Трамп текетіресі, Париждегі көлік шоуы және Нью-Джерсидегі теміржол апаты
АСТАНА. ҚазАқпарат - Өтіп бара жатқан аптада әлемдік қауымдастық америкалық тарихта рейтингісі ең жоғары болған саяси шоу - Трамп-Клинтон арасындағы телевизиялық дебатты талқылауда. Сонымен қатар Нью-Джерси қаласында Хобокен стансасында орын алған теміржол апаты да елеулі оқиғалардың бірі ретінде әлем халықтарының назарына ілігіп отыр. Онда қалааралық электр пойызы үлкен жылдамдықпен қоршауды бұзып, вокзал платформасына соғылған. Өз кезегінде Парижде әлемнің ең ескі халықаралық автосалоны алғашқы келушілерін күтіп алуға дайын. «ҚазАқпарат» жылдың ең басты автошоуларының бірінде ұсынылатын ең үздік премьераларды таңдап, назарларыңызға ұсынады.