Министрлер кабинети тышкы карызды башкаруунун жаңы стратегиясын бекитти
Министрлер кабинетинин төрагасы Акылбек Жапаров “2022-2024-жылдарга мамлекеттик карызды башкаруунун стратегиясын бекитүү жөнүндө” токтомго кол койду. Бул тууралуу Финансы министрлигинин сайтында жазылды.
Ал документте тышкы жана ички карызды төлөө, алуу жана башкаруу иш-чаралары жазылган.
Кыргызстандын саясий чөйрөсүндө, социалдык тармактарда өлкөнүн тышкы карызы талкууланып жатат. 29-июнда Министрлер кабинетинин төрагасы Акылбек Жапаров парламентте сүйлөп жатып, эгер Кыргызстан аласадан убагында кутула албаса, айрым объектилерди башкаруу укугу "башка бирөөлөрдүн колуна өтөрүн" айткан.
1-июлда Жогорку Кеңештин мурдагы депутаты Равшан Жээнбеков социалдык тармактагы баракчасына тышкы карыз тууралуу жазганы үчүн милиция бөлүмүнө жеткирилген. Саясатчы сурактан 2-июлга караган түнү саат 2ден кийин чыкты.
Кыргызстандын президенти Садыр Жапаров 2-июлда "Кабар" агенттигине курган маегинде тышкы карыз төлөнбөй калат деген коркунучка негиз жоктугун баса белгилеген.
Өлкөнүн мамлекеттик карызы 2022-жылдын 28-февралына карата 5 млрд. 182 млн. доллар экени кабарланган. Анын ичинен ички карыз 817 миллион доллар болсо, мамлекеттин тышкы карызы 4,3 миллиард долларга жеткен.
Тышкы карыз өлкөнүн ички дүң өнүмүнө карата 53,70% түзгөн. (TSh)
Ал документте тышкы жана ички карызды төлөө, алуу жана башкаруу иш-чаралары жазылган.
Кыргызстандын саясий чөйрөсүндө, социалдык тармактарда өлкөнүн тышкы карызы талкууланып жатат. 29-июнда Министрлер кабинетинин төрагасы Акылбек Жапаров парламентте сүйлөп жатып, эгер Кыргызстан аласадан убагында кутула албаса, айрым объектилерди башкаруу укугу "башка бирөөлөрдүн колуна өтөрүн" айткан.
1-июлда Жогорку Кеңештин мурдагы депутаты Равшан Жээнбеков социалдык тармактагы баракчасына тышкы карыз тууралуу жазганы үчүн милиция бөлүмүнө жеткирилген. Саясатчы сурактан 2-июлга караган түнү саат 2ден кийин чыкты.
Кыргызстандын президенти Садыр Жапаров 2-июлда "Кабар" агенттигине курган маегинде тышкы карыз төлөнбөй калат деген коркунучка негиз жоктугун баса белгилеген.
Өлкөнүн мамлекеттик карызы 2022-жылдын 28-февралына карата 5 млрд. 182 млн. доллар экени кабарланган. Анын ичинен ички карыз 817 миллион доллар болсо, мамлекеттин тышкы карызы 4,3 миллиард долларга жеткен.
Тышкы карыз өлкөнүн ички дүң өнүмүнө карата 53,70% түзгөн. (TSh)