Протест пред Собрание: Нимиц да се повлече од преговорите

Пред Собранието протестираат граѓани кои, како што велат, се противат на промена на името на Македонија. Протестот доаѓа во време кога во посета на земјата е медијаторот Метју Нимиц, кој посредува во спорот меѓу Македонија и Грција за името. Организаторите на протестот му порачаа на Нимиц да се повлече од посредничката позиција, оти сметаат дека спорот за името е апсурден и наметнат. Учесниците на протестот протестираа и против законот за јазиците. На протестот може да се забележат македонски знамиња и знамиња со сонцето од Вергина, се пеат патриотски песни, а има и транспаренти со кое граѓани порачуваат дека не сакаат промена на името на државата.