Зариф обвинувањата на Нетанјаху ги нарече циркус

Иранскиот министер за надворешни работи Џавад Зариф изјави дека критиките од страна на израелскиот премиер Бенјамин Нетанјаху за неговата земја не заслужуваат одговор. Зариф го даде коментарот на безбедносната конференција во Минхен каде Нетанјаху изјави дека има впечатливи сличности меѓу Иран и нацистичка Германија и дека лидерството од земјата сака да го уништи Израел.


Зариф без да го спомене името на Нетанјаху посочи дека тие сведочеле на циркус. Иран, според Нетанјаху, претставува најголема закана за светот и ја повика меѓународната заедница да се конфронтира со „режимот“ во Техеран кој е закана за мирот.