Партијата на Меркел ја одобри спогодбата за влада со социјалдемократите

Партијата на германската канцеларка Ангела Меркел ЦДУ денеска ја одобри спогодбата за влада со социјалдемократите. На конгресот на ЦДУ во Берлин вкупно 27 делегати од присутните околу 1000 гласаа коалиција со социјалдемократите, јавува Асошиејтед пресс. Сега коалиционата спогодба треба да ја одобри и членството на Социјалдемократската партија на Германија чии членови гласаат по пошта. Резултатите од тоа гласање се очекуваат на четврти март. Ако членството на СПД ја отфрли коалиционата спогодба можностите кои ќе останат се или малцинска влада на ЦДУ и ЦСУ или нови избори. Преговорите на конзервативците и социјалдемократите за формирање на голема коалиција почнаа по изборите на 24 септември и се најдолги по Втората светска војна.