Русија ќе ги снабдува сириските власти со ракетен одбранбен систем

Рускиот министер за надворешни работи Сергеј Лавров сугерираше дека неговата земја можеби ќе го снабди режимот на сирискиот претседател Башар ал Асад со ракетен одбранбен систем со висока прецизност С-300. Тој во интервју за новинската агенција РИА порача дека Русија во минатото не го направила тоа поради противењето на западните земји.


Според него, во услови на воздушните ракетни напади врз Сирија, неговата земја повеќе нема морална обврска да се држи до ветувањето. САД, Британија и Франција истрелаа повеќе од 100 ракети врз сириски објекти како одговор на хемискиот напад на владините сили врз цивили во градот Дума.