Кандидатката за шефица на ЦИА понуди да се повлече

Кандидатката на претседателот на САД Доналд Трамп за нова шефица на ЦИА Џина Хаспел понуди да се откаже од функцијата поради загриженоста на Белата куќа дека нејзината улога во суровото испитување осомничени лица за тероризам би можело да го спречи нејзиниот избор во Сенатот. Сепак, Белата куќа вчера соопшти дека останува на кандидатурата на Хаспел. Досегашната заменичка на директорот на ЦИА кратко време беше на чело на тајниот затвор на Тајланд во 2002 година кога двајца осомничени припадници на Ал Каида наводно биле мачени со симулација на давење.