Десетмина повредени во пожар на аеродромот во Франкфурт

Десет лица се полесно повредени на аеродром во Франкфурт кога огнот кој избил на влечното возило, го зафатил и авионот на „Луфтханза“, кој се наоѓал на пистата, објави управата на аеродромот. Влечното возило требало авионот да го однесе до терминалот. Огнот од возилото предизвикал и оштетувања на пилотската кабина на авионот, кој во моментот бил празен. Портпаролот на аеродромот изјави дека станува збор за рутински маневр кој најчесто се изведува за да се одбегне авионот да ги користи моторите во близина на терминалот. Пожарот не предизвикал проблеми или застој во сообраќајот на аеродромот во Франкфурт, кој е еден од најпрометните во Европа. Причините за пожарот засега не се познати.