Во Тимјаник ќе се гради мал дом за деца со попреченост

Во селото Тимјаник ќе се отвори мал групен дом за деца со попреченост, соопшти денеска Министерството за труд и социјална политика.


Министерката за труд и социјална политика Мила Царовска вчера ги посетила Неготино и селото Тимјаник, каде заедно со градоначалникот на општина Неготино, Тони Делков, се сретнала со локалните жители.


„Недоразбирањата се веќе минато, а подготовките за малиот групен дом во Тимјаник продолжуваат. Никогаш не се сомневав во хуманоста на нашите граѓани и верував дека првата несакана епизода е само недоразбирање. Драго ми е што овој пат имавме многу конструктивна дискусија и жителите дадоа поддршка на она што го правиме. Јас верувам дека Тимјаник ќе биде симбол на хуманоста на нашето општество, а жителите ќе се гордеат со тоа“, изјави Царовска.