Може ли да пропадне претстојниот самит на НАТО?

Лидерите на НАТО ќе се соберат на 11 и 12 јули во Брисел, во услови на длабоки поделби за трошоците за одбраната и за трговските односи. Пред самитот, американскиот претседател Доналд Трамп рече дека другите земји-членки ја третираат неговата земја како „касичка за пари“, а царините воведени од Вашингтон доведоа до одмазнички мерки на Европската унија.