17 загинати во потонување на туристички брод во САД

Во несреќата на туристичкиот брод кој се преврте во невреме во САД загинаа 17 луѓе, соопштија властите. Ова е новиот биланс на жртви откако нуркачите денеска ги пронајдоа телата на последните четири исчезнати лица. Бродот синоќа се преврте и потона во езеро во сојузната држава Мисури. На бродот имало 31 лице, а од преживеаните 14, седум се повредени. Во време на несреќата, ветрот дувал до брзина од 105 километри на час. Невремето, според очевидците, почнало одненадеж.