Најмалку 30 војници загинаа во талибански напади во Авганистан

Во талибански напади на неколку воени објекти во северната авганистанска провинција Бахлан, убиени се најмалку 30 војници и полицајци, велат официјални претставници од провинцијата.


Шефот на провинцискиот совет Мохамед Сафдар Мохсени изјави дека милитантите отвориле оган врз два контролни пунктови во напад кој се случил во областа Махлан-е Мархази во текот на ноќта.


Двајца други членови на советот, Хајатула Вафа и Асадула Шабас, изјавија дека Талибанците нападнале најмалку една база и три контролни пунктови.


Талибанскиот портпарол Забихула Муџахид ја презеде одговорноста за нападот, што е последен во серијата напади во кои загинаа десетици припадници на авганистанските безбедносни сили во последните денови.