Владата закажа вонредна седница за измените на Уставот

Владата денеска ја закажа 92-та вонредна седница со единствена точка на дневен ред – „Предлог за пристапување кон измена на Уставот на Република Македонија со насоки за изменување и дополнување на Уставот на Република Македонија“, соопшти владината прес-служба. почетокот на седницата е закажан за 16 часот. 


Премиерот Зоран Заев по референдумот на 30 септември ги повика сите пратеници во Собранието да дадат поддршка за усвојување на потребните уставни амандмани во Собранието за имплементирање на Дозговорот за името со Грција, најавувајќи дека во рок од 10 дена ќе се консултира со пратениците, во спротивно останува распишување вонредни парламентрани избори на крајот на ноември, рече Заев.