Најмалку деветмина загинати во железничката несреќа во Турција

Смртниот биланс од денешната железничка несреќа во Турција се искачи на девет луѓе, а 47 се повредени. Тројца од повредените се во критична состојба. Меѓу загинатите е и машиновозачот. Брзиот воз, кој сообраќал од Анкара кон централната провинција Конва, удрил во локомотива која служи за инспекција на пругата. При несреќата, која се случи во 6.30 часот по локално време, два вагони од возот излетале од шините, јави Анадолија. Министерството за транспорт и инфраструктура соопшти дека локомотивата, која извршувала инспекција на пругата, не требало да се наоѓа таму во моментот на несреќата. Анкарското обвинителство отвори истрага за случајот.