Се урна импровизиран рудник во Авганистан, околу 30 загинати

Околу 30 луѓе загинаа кога се урна тунел во рудник за злато во североисточен Авганистан, информираат властите. Во несреќата во провинцијата Бадахшан биле повредени најмалку 20 луѓе, изјави портпаолот на локалната полиција за Ројтерс.


Окружниот гувернер Мохамад Рустам за АФП изјави дека локалните жители со багер барале злато во близина на локалната река, кога импровизираниот рудник се урнал.


„Селаните со децении се вклучени во ваквиот бизнис, без никаква владина контрола врз нивната работа“, изјави портпаролот на окружниот гувернер Ник Мохамад Назари.


Во времето на несреќата на местото имало најмалку 50 луѓе, а две спасувачки екипи биле испратени да помогнат.