Помпео ја почна турнејата на Блискиот исток

Американскиот државен секретар Мајк Помпeо ја почна својата турнеја на Блискиот Исток за да разговара со регионалните лидери чија цел е да го зголемат притисокот врз Иран. Турнејата се случува во време на зголемена конфузија околу контроверзните изјави на администрацијата на Трамп за планираното повлекување на американските трупи од Сирија, објави Асошиејтед прес.


Првата станица на Помпео е Јордан, по што ќе ги посети Египет и земјите од Заливот. Претходно на новинарите им изјави дека планира да разговара со сојузниците за "начините на притисок" врз Иран, кој Вашингтон го нарекува спонзор на тероризмот.


Како што јавуваат агенциите, Помпео најверојатно ќе се соочи со прашањето поврзано со напуштањето на американските сили на Сирија, каде што помагаат во борбата против милитантната исламска држава.