Филипче негира дека ќе има разрешувања на раководни лица во болниците

Министерот за здравство Венко Филипче денеска негира дека следуваат разрешувања на раководни лица на болници по оставката на директорката на Детската клиника, Катерина Ставриќ.


„Не станува збор дека следува некакво разрешување. И во текот на вчерашниот ден изјавив дека имаме континуирана, одлична комуникација со сите директори поставени во јавно здравствените институции“, рече Филипче по положувањето цвеќе и по молебенот на УКИМ.


Тој информира дека Ставриќ понела оставка пред неколку месеци од лични причини и се уште не се знае кој ќе ја замени на функцијата. Филипче посочи дека ќе разговара со Ставриќ за тоа дали може да се надминат причините за нејзината одлука и таа да продолжи и натаму да раководи со клиниката.