САД го поздравија запленувањето на иранскиот танкер

Соединетите држави го поздравија британското запленување на еден ирански танкер со нафта во близина на Гибралтар. Државниот секретар Мајк Помпео на Твитер напиша дека станува збор за „одлична вест“. Во истовреме Техеран го осуди тоа нарекувајќи го „незаконски чин“. Владата на Гибралтар, британска територија, соопшти дека британските маринци вчера го заплениле такерот „Грејс 1“ околу 4 километри јужно од Гибралтар, односно во британските територијални води. Се претпоставува дека танкерот носел нафта за Сирија.