Меј со критика до Трамп за пораките до некои демократски пратенички

Британската премиерка Тереза Меј смета дека изјавата на американскиот претседател Доналд Трамп во серија на објави на Твитер за некои демократски пратенички во Конгресот е неприфатлива, соопшти нејзиниот портпарол.


Трамп им порача на демократски пратенички дека „можат да се вратат од каде што дошле“, со што предизвика остри критики од демократите кои го означија како расист и ксенофоб.


„Ставот на премиерката е дека јазикот кој е употребен и кој се однесува на овие жени е целосно неприфатлив“, соопшти портпаролот на Меј.