Бугарија го укина карантинот за македонски државјани

Директорите на регионалните здравствени инспекторати ја укинаа наредбата за задолжителен карантин на лицата кои влегле на територијата на Бугарија во периодот од 20 до 31 мај, а се од земјите членки на Европската унија, од Србија и Северна Македонија.


„Тоа се однесува на граѓаните за кои причината за карантинот не е контакт со лице заразено со Ковид-19“, се наведува во новата наредба на бугарскиот министер за здравство Кирил Ананиев.


Мерката карантин останува да важи за лицата кои влегле во Бугарија во истиот период од Шведска, Велика Британија, Северна Ирска, Белгија, Ирска, Португалија, Шпанија, Малта и Италија.