Запрена опсадата на хотелот во Могадишу

Сомалиските безбедносни сили ја прекинаа 30-часовната опсада на хотелот во главниот град Могадишу, која ја направија милитанти на Ал Шабаб поврзани со Ал Каеда, соопштија денеска локалните власти.


„Безбедносните сили ја прекинаа опсадата и напаѓачите се мртви, ниту еден истрел од зградата не е испукан во последниот час“, изјави за АФП официјален претставник кој сакаше да остане анонимен.



Дванаесет загинати во напад на милитанти врз хотел во Сомалија


Сомалиската полиција соопшти дека во повеќечасовната размена на оган со безбедносните сили загинале 20 лица, а 40 се ранети.


Нападот започна со експлозии пред хотелот Хајат, пред вооружените лица да влезат во зградата.


Исламистичката група Ал Шабаб, поврзана со Ал Каеда, ја презеде одговорноста за нападот.


Групата е позната по нападите врз сомалиските безбедносни сили, како и врз хотели и други области, главно во главниот град.