Новости за 28.11.2024

دغه فابریکې د ځايي سوداګرو له‌خوا په ځانګړي ډول د اقتصادي ودې او خلکو ته د کار زمینې برابرولو په موخه جوړې شوي دي. د یادو فابریکو په فعالېدو سره لسګونو کسانو ته د کار کولو زمینه برابره شوې، چې نه یوازې د دې ولایت خلکو ته ګټه رسوي، بلکې د افغانستان په صنعتي وده کې هم مهم رول لوبوي. سوداګر هیله لري چې، د دې فابریکو په جوړېدو سره به د وارداتو کچه ټيټه او د کورنیو تولیداتو ملاتړ زیات شي. له‌دې ډلې د قلمونو تولید یوه تازه پرانيستل شوې فابریکه ده، چې د یو میلیون ډالرو په پانګونه جوړه شوې. د دغه... Читать дальше...

په اسټرالیا کې ځینو شتمنو خلکو په داسې حال کې د خپل کور په انګړ کې د بیوزلو لپاره مفت خوراکي شیان اېښې دي چې د ګرانۍ له امله خلکو ته مشکلات دي. یوه ځايي خیریه اداره د دې نوښت ملاتړ کوي او وايي چې ډېرې مثبتې نتیجې یې ورکړې دي. تفصیل د اسوشيېټېډ پرېس خبري اژانس په ویډیويي راپور کې وګورئ چې ملیحه امیرزاده یې وړاندې کوي.

په نیمروز کې د طالبانو چارواکي وايي، په تېرو دوو میاشتو کې له ایرانه د افغان کډوالو شا و خوا ۱۰۰ جنازې نیمروز ولایت ته لېږدول شوي دي. د نیمروز لپاره د طالبانو د والي مرستیال سید سلیمان اغا بهیر پرون کورنیو رسنیو ته ویلي، کله‌کله په ورځ کې څو جنازې هم دغه ولایت ته لېږدول کېږي، چې اکثریت کسان په ډزو ویشتل شوي دي. دا په‌‌‌داسې حال کې ده، چې له ایرانه د پاکستان په‌‌‌څېر د افغان کډوالو ډله‌‌‌ییز اخراج روان دی. د ایران د کورنيو چارو وزارت تر دغه اعلان وروسته چې ویلي یې وو، تر ۱۴۰۳ لمریز کال پورې... Читать дальше...

ملګروملتونو د یوه راپور په خپرولو سره ویلي چې. په روان میلادي کال کې په افغانستان کې تر څلور سوه ټنه ډېر تاریاک تولید شوي دي. ملګروملتونو څه موده مخکې په افغانستان کې د کوکنارو د کښت د اندازې په اړه د نولس‌سلنه ډېروالي یادونه کړې وه او دا دی اوس یې په خپل نوي راپور کې د تاریاکو د تولید په اړه ويلي چې، سږکال په افغانستان کې د کوکنارو تولید دېرش‌سلنه ډېر شوی دی. د ملګروملتونو په راپور کې راغلي چې، په ۲۰۲۴ میلادي کال کې په افغانستان کې ۴۳۳ ټنه تاریاک تولید شوي دي، په‌‌‌داسې حال چې په ۲۰۲۳ میلادي کال کې ۳۳۳ ټنه تاریاک تولید شوي وو. Читать дальше...

د اوکراین ولسمشر ولودمیر زيلینسکي وايي، له جنوبي کوریا سره د دغه هېواد دفاع د وزیر رستم عمروف خبرې د اوکراین او جنوبي کوریا ترمنځ پر امنیتي همکاریو متمرکزې وې. نوموړي ويلي، دغه خبرې د اوکراین پر خلاف د روانې جګړې پر مهال په روسیه کې د شمالي کوریا د ځواکونو د ځای پر ځای کېدو په رڼا کې وشوې. زيلینسکي پرون ویلي، چې عمروف د ده په لارښوونه، په‌‌‌دې جګړه کې د شمالي کوریا د دخالت په باب د بحث لپاره جنوبي کوریا ته تللی دی، څو دا وڅېړي چې د دواړو ملتونو او سیمو د خوندیتوب لپاره په ګډه څه کولی شو. تر... Читать дальше...

د اسرايیل وسله‌والو ځواکونو د لبنان د حزب‌الله ډلې د اوو جګړه مارو د وژلو خبر ورکړ. دغو ځواکونو ویلي چې د لبنان په جنوب کې یې دغه ‌‌‌وسله‌وال پرون د اوربند له موافقې سره‌سره وژلي دي. د حزب‌الله او اسرايیل ترمنځ دغه موافقه له پرون چهارشنبې نافذه شوه. د اسرايیل د پوځ ویاند دانیال هګاري ویلي، په سیمه کې د دغو جګړه مارو حضور له موافقې څخه سرغړونه وه او د اوربند له موافقې هره موافقه به په ډزو سره ځوابېږي. د اوربند د موافقې له‌‌مخې باید د حزب‌الله ځواکونه د لیتاني سیند چې د اسرايیل او د لبنان د سرحد په ۳۰ کیلومترۍ کې پروت دی، له څنډو ووځي.

د افغانستان په دیارلس ولایتونو کې نن د ورښتونو او احتمالي سېلونو د بهېدلو اټکل شوی دی. د طالبانو د ترانسپورټ او هوایي چلند وزارت په یوه خبرپاڼه کې ویلي دي چې، په تخار، بغلان، بامیان، پنجشېر، سرپل، جوزجان، دایکنډي، هلمند، کندهار، غور، فراه، بادغیس او هرات کې نن له پنځلسو تر پنځه‌دېرش ملي متره پورې د ورښتونو امکانات شته. د دې خبرپاڼې له‌‌مخې په لوړو او سړو سیمو کې ممکن نن واورې ووریږي. په‌دې وروستيو کې د افغانستان په بېلابېلو ولايتونو کې ناڅاپي ورښتونو او سېلابونو ګڼو خلکو ته مالي او ځاني زيانونه واړول.

جرګې پرېکړه وکړه چې، سر له ننه به شیعه او سني وسله‌‌‌‌وال له مورچو راکوزیږي او پر یوه بل به ډزې نه‌‌کوي. چارواکي وایي چې، دواړه لورې به د یوه بل برمته شوي کسان خوشې کوي، خو د ټل او پاړه چنار ترمنځ به د لارې د پرانیستلو چارې څه وخت ونیسي. په کورمه کې د دولتي چارواکو په وینا د نومبر له یوویشتمې راپه‌دې خوا د فرقه‌يي شخړو له امله ۱۲۵ کسان وژل شوي او شاوخوا ۱۸۰ ټپيان شوي دي. په کورمه کې تر دې مخکې هم د شیعه‌و او سنيانو ترمنځ جګړې شوې دي، خو سږکال دې جګړو زور اخیستی دی. د پاکستان د بشري حقونو... Читать дальше...

د ترکیې سمندري ځواکونو یوسل او اته‌ویشت کډوال د چاناق قلعه په ولایت کې نیولې دي. ترکیي رسنیو پرون راپور ورکړ چې دا کډوال د افغانستان او ایران اتباع دي چې، شاوخوا پنځه‌دېرش کسان یې په وچه کې نیول شوې دي او نور یې د امنیتي ځواکونو د دوو نورو عملیاتو په ترڅ کې په اوبو کې د سفر پرمهال پېژندل شوي او نیول شوې دي. ترکیې له تېرې اوونۍ راهیسې د غیرقانوني کډوالو پرضد په خپل هېواد کې عمومي عملیات پيل کړې دي.

د طالبانو د کورنیو چارو وزارت د ملګروملتونو له جرمونو او مخدر موادو سره د مبارزې راپور د تریاکو د تولید د زیاتېدو په برخه کې رد کړ. د دې وزارت ویاند عبدالمتین قانع پرون په یوه بیان کې وویل چې، د دوی د ارزونو له‌مخې د تېر یوه کال په ترڅ کې په افغانستان کې د مخدر موادو په تولید کې د پام وړ کمی راغلی دی. له جرمونو او مخدر موادو سره د ملګروملتونو د مبارزې ادارې پرون وویل، په افغانستان کې د دوه زره څلرویشتم کال په ترڅ کې د تریاکو تولید د وړم کال په پرتله دېرش په سلو کې زیات شوی دی. د دې ادارې په... Читать дальше...

ټاکل شوې ده چې د کرکټ نړیواله شورا سبا د کرکټ د اتلانو د جام پر برخلیک خبرې وکړي. له مهال‌وېش سره سم تمه ده چې دا لوبې د فبروري له نولسمې د مارچ تر نهمې په پاکستان کې وشي، خو هند ویلي دي چې لوبډله یې پاکستان ته نه‌ځي. د راپورونو له‌‌مخې داسې اټکل کېږي چې، د کرکټ نړیواله شورا به دا وړاندیز وکړي چې د کرکټ د اتلانو د جام لس لوبې په پاکستان کې وشي او پاتې پنځه نورې دې په متحده عربي اماراتو کې وشي. له‌‌دې وړاندیز سره مخکې پاکستان مخالفت کړی و.

د اسراییل او حزب‌الله ترمنځ تر اوربند وروسته د نومبر په اووه ویشتمه په لسګونو زره لبنانیان خپلو ښارونو او کلیو ته ستانه شول. په لبنان کې د ملګروملتونو په وینا په وروستیو څو اوونیو کې د جګړو له امله تر نهه لکه ډېرو کسانو خپل کورونه پرېښې دي. د شوي تړون له‌‌‌مخې چې د جګړې د درېدو سبب شو، د لبنان پوځ د دغه هېواد په جنوب کې د خپل موجودیت د بیا پیاوړي کېدو هڅې پيل کړې دي، دا هغه سیمې دي چې تر وروستۍ جګړې مخکې په‌کې حزب‌الله واکمن و. حزب‌الله ته د حماس ډلې په‌څېر د امریکا متحدایالتونه د یوې ترهګرې... Читать дальше...

ټاکل شوې ده چې د ډله‌ییز امنیتي تړون سازمان مشران نن د قزاقستان په پلازمېنه استانه کې د سیمې پر پوځي او سیاسي وضعیت خبرې وکړي. د دې سازمان عمومي منشي ایمانقلي تاسماګامبیتوف پرون وویل چې، د ډله‌‌‌ییز امنیتي تړون د سازمان غړیو هېوادو ته لاهم د افغانستان له خاورې ګواښونه موجود دي. د ډله‌‌ییز امنیتي تړون سازمان په ۲۰۰۲میلادي کال کې جوړ شو چې روسیه، ارمنستان، بیلاروس، قزاقستان، قرغزستان او تاجکستان یې غړي دي. د دې هېوادو سرمشریزه یوه ورځ وروسته تر دې جوړیږي چې، مسکو یو ځل بیا په کابل کې له افغان طالبانو سره د اړیکو پر پراختیا ټینګار کړی دی. Читать дальше...