Додгоҳи олии Қирғизистон ҳукми ҳабси абадӣ фаъоли ҳуқуқро бетағйир монд. Фаъолони ҷомеаи шаҳрвандӣ исрор меварзанд, ки ҷазои ҳомии ҳуқуқи 69-сола Азимҷон Аскаров, ки аслан узбектабор аст, ҷилои сиёсӣ дорад.
Абдулназар Абдулҳасанов, генерали мустаъфӣ ва собиқ муовини вазири дифои Тоҷикистон дар шифохонаи "Қарияи Боло"-и Душанбе даргузаштааст. Вай 76-сола буд. Яке аз пайвандонаш гуфт, ӯро 13-уми май зери чораҳои сахти беҳдоштӣ дар оромгоҳи "Сари Осиё"-и Душанбе дафн карданд. Ба қавли мусоҳиби мо, Абдулназар Абдулҳасанов шаби гузашта ҷон дод ва ӯро бо кумаки маъмурони Кумитаи ҳолатҳои фавқулода аз бемористон рост ба оромгоҳ бурданд. Мақомоти Тоҷикистон асосан фавтидагон аз илтиҳоби шуш ва ё бемории ҳамагирро ба ин тарз дафн мекунанд. Читать дальше...
Демократҳои Амрико дар Маҷлиси Намояндагон аз як бастаи дигари ёриҳо дар шароити коронавирус парда бардоштанд. Зеро мансабдорони соҳаи тандурустӣ аз зуд бекор кардани чораҳои эҳтиётӣ, дар ҳоле ки маргу мир дар саросари ҷаҳон аз 292 ҳазор гузаштааст, ҳушдор доданд. Доктор Энтони Фоучӣ, коршиноси баландпояи бемориҳои ҳамагир дар Иёлоти Муттаҳида, ба Конгресс ҳушдор додаст, ки тез аз миён бардоштани чораҳои эҳтиётӣ аз коронавирус метавонад оқибатҳои сахтеро ба бор орад, аз ҷумла авҷи нави бемориро. Читать дальше...
Озарахш (Толиб Каримов), адиби шинохтаи тоҷик, ки баъд аз муолиҷаи тӯлонӣ ҳафт рӯз пеш аз бемористон ҷавоб шуд, мегӯяд, аз табибон ва ҳаводоронаш сипосгузор аст, ки ӯро аз чанги бемории вазнине халос карданд.
Хабари даргузашти забоншинос Баҳриддин Камолиддинов, рӯзи 13-уми май бисёриҳоро ғамгин кард. Як нигоҳи кӯтоҳ ба шабакаҳои иҷтимоӣ нишон дод, ки устод даҳҳо шогирди хушном ва садҳо ҳамандешу ҳаводори қадрдон доштаанд. Онҳо хислатҳои инсонӣ ва рисолати рӯшангарии Баҳриддин Камолиддиновро сутудаанд.
Маҳдудиятҳо дар бахши фанновариҳои иттилоотиву иртибототӣ таъсири манфие ба ташаккули ҳукумати электронӣ гузошт, ки хидматрасониҳои он метавонист вазъи шаҳрвандонро дар шароити коронавирус сабуктар намояд,-мегӯянд коршиносон.
Хайр пас аз марг. Охирин нияти Каромат Шарипов иҷро шуд.
Вазорати тандурустӣ ва ҳифзи иҷтимоии аҳолии Тоҷикистон рӯзи 13-уми май гуфт, ки дар ду ҳафтаи ахир дар кишвар 801 нафар ба коронавирус гирифтор шуда, 23 кас аз ин беморӣ ҷон бохтаанд. Дар ҳоле ки дар шабакаҳои иҷтимоӣ чанде аз сокинон аз даргузашти наздикони худ аз COVID-19 хабар доданд, вазорат мегӯяд, дар шабонарӯзи ахир ҳеч кас аз ин беморӣ нафавтид. Дар феҳрасти ғайрирасмии қурбониёни COVID-19 дар шабонарӯзи гузашта ба камияш номи даҳ нафар ворид карда шудааст. Дар умум дар ин рӯйхат номи 170 нафарро гирд овардаанд. Читать дальше...
Мубориза байни қаҳрамони UFC Ҳабиб Нурмуҳаммадов ва дорандаи муваққатии ин унвон Дастин Гэтҷи метавонад дар "Ҷазираи набардҳо" баргузор шавад
Садҳо муҳоҷири Узбекистон, ки мехоҳанд ба ватан баргарданд, аз 11 май дар марзи Русия бо Қазоқистон ҷамъ шудаанд. Онҳо аз мақомоти Нурсултон ва Тошканд ташкили роҳи транзитӣ тавассути Қазоқистон ба Узбекистонро дархост доранд. Вале мақомоти Қазоқистон мегӯянд, то беҳбуди вазъи эпидемиологӣ дар кишварҳои ҳамсоя марзҳои худро боз нахоҳанд кард. Ин гуруҳи муҳоҷирони узбек дар гузаргоҳи марзии "Маштаково"-и вилояти Оренбурги Русия бо Қазоқистон дармондаанд. Онҳо мегӯянд, бо умеди боз шудани марзи Қазоқистон 11 май озими Узбекистон шуданд. Читать дальше...
Интизор меравад, Додгоҳи олии Қирғизистон 13 май шикояти ҳомии ҳуқуқи зиндонӣ Азимҷон Аскаровро баррасӣ кунад. Созмони ҷамъиятии "Бир дунё – Қирғизистон" ахиран хабар дод, ки мурофиа қарор аст, соати 14:00 оғоз шавад. Моҳи феврали соли равон маълум шуд, ки Додгоҳи олии Қирғизистон парвандаи Аскаровро бар асоси далелҳои нав бозбинӣ мекунад. Додситон 25 феврал аз додрас хост, барои шиносоӣ бо шикояти вакилони дифоъ барои ӯ вақт диҳад. Додрас низ дархости додситонро қонеъ кард. Вакили дифои Аскаров - Валерян Вахитов он замон гуфта буд... Читать дальше...
Қосимҷомарт Тоқаев, президенти Қазоқистон гуфт, пешниҳоди вай дар бораи ҷорӣ кардани низоми андозбандии прогрессивӣ ҳаҷми кунунии андоз аз даромадро барои "қишри миёна" тағйир нахоҳад дод. Бар асоси қонунгузории ҷорӣ, аз маоши сокинони Қазоқистон 10 дарсад ҳамчун андоз аз даромад ситонида мешавад. "Бино бар фаҳмиши ман, агар шаҳрванд 250-300 ҳазор танга (наздики 600-700 доллар) даромад дошта бошад, пас вай набояд 10 дарсад андоз аз даромад пардозад, балки барои мисол, 7 дарсад хоҳад пардохт.... Читать дальше...
Кӯчаҳои камодами Душанбе чӣ ҳол доранд? Гузориши Афсона Акобиршоева.
Мақомоти Амрико дастгоҳҳои нафасдиҳии сунъии "Авента-М"-и истеҳсоли Русияро бармегардонанд. Расонаҳо бо такя ба мақомоти Иёлоти Муттаҳида навиштанд, дастгоҳҳои мазкур дар беморхонаҳо истифода нашуда, дар анборҳо нигаҳдорӣ мешаванд. Дар рӯзҳои охир дар беморхонаҳои Маскав ва Санкт-Петербург ду дафъа сӯхтор рух дод, ки дар натиҷа шаш бемори гирифтори COVID-19 фавтид. Ба иттилои ибтидоӣ, сабаби сӯхтор дастгоҳҳои "Авента-М" будаанд. Бо ҳадафи эҳтиёт мақомоти Ню-Йорк ва Ню-Ҷерсӣ дасгоҳҳои нафасдиҳии... Читать дальше...
Карантини бузургтарин бозори минтақа 50 ҳазор нафарро дастнигари дигарон кард.
Як полковник ё сарҳанги нирӯҳои марзбонии Тоҷикистон, ки бо шубҳаи коронавирус дар шифохонаи Қарияи Болои Душанбе бистарӣ шуда буд, рӯзи 11-уми май фавтидааст. Манобеъ мегӯянд, Саидҷалол Сафарзода, раҳбари дастгоҳи нирӯҳои марзбонии Кумитаи давлатии амнияти миллии Тоҷикистон, 50 сол дошт. Ҳамсараш низ бо айни беморӣ даргузаштааст. Пайвандонаш дар ноҳияи Фархори вилояти Хатлон хабари даргузашти Саидҷалол Сафарзодаро тасдиқ карда, гуфтанд, ҷасади зану шавҳарро зери чораҳои сахти беҳдоштӣ дафн карданд. Читать дальше...
Як созмони ҳомии ҳуқуқ аз ҳукумати Тоҷикистон даъват кардааст, бо назардошти таҳдиди сирояти СOVID-19 ба зиндониён Бузургмеҳр Ёров, яке аз вакилони шинохтаи тоҷикро озод кунад.
Бибихонум Дарвешзода, сухангӯи Вазорати тандурустӣ ва ҳифзи иҷтимоии аҳолии Тоҷикистон, рӯзи 13-уми май аз мақомаш барканор карда шудааст. Ин тағйирот баъди як ҳафтаи омадани Ҷамолиддин Абдуллозода ба мансаби вазири тандурустӣ сурат гирифт. Дарвешзода ба ҳайси хабарнигор дар нашрияҳои даврии Тоҷикистон кор карда, як муддат сухангӯи Хадамоти назорати давлатии фаъолияти фарматсевтӣ ҳам буд. Як корманди дафтари матбуотии Вазорати тандурустӣ ба Радиои Озодӣ гуфт, ки ҳоло Эмомалӣ Мирзоев сухангӯи нави вазорат таъин шудааст. Читать дальше...
Мақомоти Тоҷикистон аз мутахассисони Созмони Ҷаҳонии Тандурустӣ хостаанд, ки роҳи амн, вале бо риояи талаботи мусалмонии дафни ҳалокшудагон аз бемории COVID-19-ро пешниҳод кунанд. Аз охири моҳи март ба ин тараф мақомот ҷасади афродеро, ки ба гуфтаи онҳо аз бемории илтиҳоби шуш ва ё коронавирус фавтидаанд, ба наздиконашон намедиҳанд ва шитобкорона ва бе риояти бисёре аз аркони исломӣ ва ё маросими видоъ дафн мекунанд. Сулаймон Давлатзода, раиси Кумитаи дин ва танзими ҷашну маросими миллии Тоҷикистон... Читать дальше...
Иттиҳоди Аврупо ва созмони Каритас Олмон ба тақрибан 6 ҳазор оилаи камбизоат ва хонаводаҳое, ки яке аз аъзояш маълуланд, дар ноҳияҳои Айнӣ ва Шаҳритус ёрӣ кардаанд. Масъулони дафтари Иттиҳоди Аврупо дар Тоҷикистон гуфтанд, ба ин оилаҳо 26 тонна хӯрокворӣ ва маводи беҳдоштӣ тақсим шудааст. Ин ёриҳо аз ниқобу собун, маҳлули беҳдоштӣ ва инчунин орду равған, шакару макарон ва биринҷу намак иборат будааст. Ҳамчунин ба 130 корманди тавонбахшӣ дар маҳалҳо ва ихтиёриён маводи беҳдоштӣ додаанд, то дар шароити пандемия маъюбонро нигоҳубин кунанд. Читать дальше...
Вазорати иқтисоди Қирғизистон ба ҳукумат пешниҳод кардааст, ки муҳлати мораторияи санҷиши фаъолияти соҳибкоронро то 1-уми январи соли 2022 дароз кунад. Мораторияи феълӣ аз 1-уми январи соли 2019 то 1 январи соли 2021 муайян шудааст. Ба гуфтаи вазорат, ҳадафи пешниҳод "эътидоли фаврии вазъи иқтисодӣ дар кишвар ва таъмини фаъолнокии доираҳои соҳибкорон" мебошад. Лоиҳаи қарор ба дастгоҳи ҳукумати Қирғизистон пешниҳод шудааст. Мораторияе, ки соли 2019 дар Қирғизистон эълом шуд, ба санҷиши соҳибкорон аз тарафи Бунёди иҷтимоӣ... Читать дальше...
Мудиромили Сандуқи байналмилалии пул мегӯяд, ба эҳтимоли зиёд ин муассиса бори дуввум дар соли равон аз сабаби сирояти саросари короновирус дурнамои рушди ҷаҳонӣ дар соли 2020-ро бозбинӣ мекунад. Ба эҳтимоли зиёд зарба ба иқтисодҳои ҷаҳонӣ вазнинтар аз он хоҳад буд, ки пешбинӣ мешуд. Рӯзи 12--уми май дар як суҳбати онлайни Кристалина Георгева мудиромили СБП гуфт, омори охире, ки аз кишварҳои гуногун ба дасти онҳо расидааст бадтар аз рақамҳоест, ки пешбинӣ мешуд. Ӯ афзуд омори нав дар моҳи июн ҷамъбаст хоҳад шуд. Читать дальше...
Ашраф Ғанӣ, раиси ҷумҳури Афғонистон мегӯяд, дастур додааст, ки неруҳои амниятии кишвараш ба амалиёт бар зидди гуруҳи Толибон омода бошанд. Ин суханони роҳбари афғон як рӯз пас аз он садо доданд, ки силоҳбадастон ба як шифохона дар шаҳри Кобул ҳамла карда, бомбгузори маргталаб худро дар як маросими дафн дар вилояти шарқии Нангарҳор мунфаҷир кард. Ҳамлаҳои хушунатбори рӯзи 12-уми май ҳаёти 40 нафарро аз байн бурданд. Ба хусус дар ҳамла ба шифохонаи занона 16 нафар ва аз ҷумла ду тифли навзод кушта шуданд. Читать дальше...
Дар натиҷаи ҳамла ба таваллудхонаи шаҳри Кобули Афғонистон рӯзи 12-уми май дасти кам 11 нафар кушта шуд, ки дар миёнашон кӯдакон низ ҳастанд. Ҳамчунин дар ин рӯз дар вилояти Нангарҳор низ ба маросими ҷанозае ҳамлаи маргталабона сурат гирифт, ки 24 кушта ва ҳудуди 70 захмӣ бар ҷой гузошт. Як гуруҳи мусаллаҳ дар ғарби Кобул, ки асосан минтақаи шианишин аст, ба таваллудхона ҳамла кардаанд. Задухурд миёни ҷангҷӯён ва неруҳои ҳукуматӣ чандин соат идома ёфт. Вазорати умури дохилии Афғонистон гуфт, дар... Читать дальше...
Баҳриддин Камолиддинов, устоди факултаи журналистикаи Донишгоҳи миллии Тоҷикистон ва аз забоншиносони шинохтаи кишвар дар синни 85-солагӣ аз бемории КОВИД 19 даргузашт
