Новости за 13.04.2026

Гурӯҳе аз коргарони чинӣ бо сабаби пардохт нашудани ҳаққи корашон дар шаҳри Комсомоли лаби Амури Русия даст ба эътироз заданд. Бахши русии Радиои Озодӣ навишт, беш аз сад коргари чинӣ рӯзи 12-уми апрел бо навиштаҳое бо забони русӣ ва чинӣ дар кӯчаҳои шаҳр раҳпаймоӣ карданд. Онҳо дар муроҷиати худ аз президенти Русия Владимир Путин ва раҳбари ширкати “Роснефт” Игор Сечин талаб кардаанд, ки ҳаққи корашон пардохт шавад. Эътирозгарон гуфтанд, коргари ширкати "Петро-Хэхуа"-и ҳамкори “Роснефт” мебошанд. Читать дальше...

Соати даҳи 13-уми апрел ба вақти шарқии Иёлоти Муттаҳида (соати даҳи шаб ба вақти Тоҷикистон). Замонеро, ки Фармондеҳии Марказии Амрико ё СЕНТКОМ барои оғози муҳосираи бандарҳои Эрон дар атрофи гулӯгоҳи Ҳурмуз эълон карда буд, фаро расид. Доналд Трамп, раисҷумҳури Амрико, 13-уми апрел дар шабакаи Truth Social таҳдид кард, ки "ҳар қаиқи таҳоҷумии тезрав аз тарафи Эрон ба хати муҳосираи мо наздик шавад, билофосила нобуд хоҳад шуд." Ӯ дар паёми нави худ ишора кардааст, ки артиши Амрико барои ин кор аз ҳамон тарзе истифода хоҳад кард... Читать дальше...

Вазорати корҳои дохилии Қирғизистон Даниэл Рисалиев, муовини пешини раиси КДАМ ё Кумитаи давлатии амнияти миллии ин кишварро дастгир кардааст. Бахши қирғизии Радиои Озодӣ дар ин бора рӯзи 13-уми апрел бо такя ба манбаъҳои худ хабар дод. Ба иттилои манобеъ, маъмурони милиса ӯро дар вилояти Иссиқкӯл боздошт кардаанд. Вазорати корҳои дохилии Қирғизистон ҳанӯз шарҳе надодааст. Ҳамзамон иттиҳоми зидди ӯ рӯшан нест. Даниэл Рисалиев дар моҳи декабри соли 2025 муовини раиси КДАМ-и Қирғизистон таъйин шуд. Читать дальше...

Леои шонздаҳум, поп ё раҳбари 1,4 миллиард католики ҷаҳон, гуфт, ба мухолифаташ ба ҷанг идома медиҳад. Изҳороти ӯ дар вокуниш ба танқиди Доналд Трамп, раисҷумҳури Амрико садо дод. Ӯ 13-уми апрел ҳангоми сафараш ба Алҷазоир дар мусоҳиба бо хабаргузории “Рейтерс” гуфт, “ман ба зидди ҷанг садо баланд хоҳам кард.” “Имрӯз дар ҷаҳон одамони зиёд ранҷ мекашанд. Бисёре аз одамони бегуноҳ кушта мешаванд. Ба назари ман, касе бояд бархезаду бигӯяд, ки роҳи беҳтаре ҳам ҳаст,” – афзуд раҳбари католикҳои ҷаҳон. Читать дальше...

Нахуствазири Бритониё гуфт, кишвараш аз тасмими Амрико барои муҳосираи бандарҳои Эрон пуштибонӣ нахоҳад кард. Кейр Стармер афзуд, тамаркузи онҳо бештар ба он равона шудааст, ки гулӯгоҳи муҳими Ҳурмуз “пурра боз” бошад. Вай рӯзи 13-уми апрел дар суҳбат бо радиои Би-би-сӣ гуфт, “муҳим аст, ки гулӯгоҳ комилан боз бошад ва ҳамаи талошҳои худро ба ҳамин равона кардаем ва минбаъд низ чунин хоҳем кард.” Доналд Трамп, раисҷумҳури Амрико, гуфт, нерӯҳои кишвараш аз соати даҳи сездаҳуми апрел ба вақти шарқии... Читать дальше...

Мақомот дар Тоҷикистон аз чаҳор фарзанди соҳибкор ва сиёсатмадори зиндонӣ Зайд Саидов талаб кардаанд, ки хонаҳои худро холӣ кунанд, чун онҳо ба фоидаи давлат мусодира хоҳанд шуд.

Вакилони Маҷлиси Намояндагон тарҳи санадеро тасвиб карданд, ки иҷоза медиҳад, бисёре аз расмиёти муҳоҷират ва гирифтани иҷозаи ҳаққи кор дар Русия дар дохили Тоҷикистон анҷом дода шавад.

Вашингтон гуфт, муҳосираи гулӯгоҳи Ҳурмузро оғоз мекунад. Хонаҳои фарзандони Зайд Саидовро мегиранд. Корҷӯён пеш аз сафар ба Русия дар Тоҷикистон аз муоина ва имтиҳон мегузаранд. Чаро полиси Душанбе Хуршеда Раҳимоваро боздошт кард?

Вакилони Маҷлиси намояндагони Тоҷикистон 8-уми апрел тарҳи санадеро тасвиб карданд, ки иҷоза медиҳад, бисёре аз расмиёти муҳоҷират ва гирифтани иҷозаи ҳаққи кор дар Русия дар дохили кишвар анҷом дода шавад.

Мақомот дар Тоҷикистон аз чаҳор фарзанди соҳибкор ва сиёсатмадори зиндонӣ Зайд Саидов талаб кардаанд, ки хонаҳои худро холӣ кунанд, чун онҳо ба фоидаи давлат мусодира хоҳанд шуд. Хонаҳо дар як бинои баландошёна дар маркази шаҳри Душанбе ҷойгиранд.

Доналд Трамп, раисҷумҳури Амрико, гуфт, нерӯҳои Иёлоти Муттаҳида аз соати даҳи рӯзи сездаҳуми апрел ба вақти шарқии Амрико, яъне соати даҳи шаб ба вақти Тоҷикистон, муҳосираи гулӯгоҳи Ҳурмузро оғоз мекунанд.

Гурӯҳе аз сокинони шаҳри Хуҷанд иддао доранд, ки аз ширкате хона хариданд, вале зоҳиран ба доми қаллобон афтодаанд. Онҳо мегӯянд, ки беш аз 10 сол боз наметавонанд, ба хонае соҳиб шаванд, ки пулашро додаанд.

Дар як паноҳгоҳи хусусии сагҳо дар Бишкек шахсони ношинос тақрибан чиҳил сагро паррондаанд. Онҳоеро, ки зинда мондаанд, буғӣ кардаанд. Ба гуфтаи соҳиби паноҳгоҳ, ӯро нахуст аз хона бо фиреб берун баровардаанду дар ин байн афроди мусаллаҳ ба ҳавлӣ даромада, сагҳоро ба таври дастаҷамъӣ куштанд.

“Куҷоро нигоҳ кардед, ҳама ришқа (юнучқа) коридааст. Пагоҳ пахтаро дар куҷо мекоред? 70 дарсад бояд пахта шавад. Тракторро медарорем. Кадом хоҷагие, ки ҳамингуна ришқа коридааст, ҷуфт мекунем. Фарқ надорад, кӣ аст.”

Дастаи мунтахаби наврасони Тоҷикистон (U-16) зери раҳбарии Ҷаъфар Аҳмадов дар бозии сеюмаш дар мусобиқаи қаҳрамонии Ассотсиатсияи футболи Осиёи Марказӣ (CAFA)-2026, ки дар Узбекистон ҷараён дорад, 11-уми апрел тими Афғонистонро бо ҳисоби 3:2 шикаст дод.

Варзишгарони тоҷик дар мусобиқоти қаҳрамонии гуштии варзишии Осиё, ки рӯзҳои 6-12 апрел дар пойтахти Қирғизистон – шаҳри Бишкек - баргузор шуд, ду медали биринҷӣ ба даст оварданд. Дар ин мусобиқа, ки дар риштаи гуштии варзишӣ (гуштии юнону румӣ, гуштии озод ва гуштии занона) доир гардид, ба ҳайати дастаи мунтахаби Тоҷикистон 13 варзишгар (12 мард ва 1 зан) дохил буданд. Ду медалро намояндагони Тоҷикистон дар риштаи гуштии озод байни мардон гирифтанд. Дар ин намуд дар ҳайати мунтахаби Тоҷикистон ҳашт нафар рақобат карданд... Читать дальше...

Артиши Иёлоти Муттаҳида аз рӯзи душанбеи 13-уми апрел муҳосираи дарёии киштиҳоеро оғоз мекунад, ки ба самти бандарҳои Эрон мераванд ё аз онҷо хориҷ мешаванд. Фармондеҳи марказии Иёлоти Муттаҳида (СЕНТКОМ) эълон кард, ки муҳосираи киштиҳо аз соати 17:30 ба вақти Теҳрон оғоз мешавад. Фармондеҳии марказии Амрико навиштааст, "ин муҳосира бидуни ҳеҷ табъиз (фарқгузорӣ)" нисбати ҳама киштиҳое татбиқ мешавад, ки вориди бандарҳои Эрон мешаванд ё аз онҷо хориҷ мешаванд. Ин хабар дар ҳоле эълон мешавад... Читать дальше...

Оҷонсии зидди фасоди Тоҷикистон аз боздошти як афсари Комиссариати ҳарбии ноҳияи Ҷаббор Расулов хабар додааст. Ба иттилои ин ниҳод, Сатторзода А "барои ба таъхир гузоштани муҳлати даъват" ва нагузаронидани як даъватшаванда аз комиссияи ҳарбӣ-тиббӣ, аз наздикони ӯ 15 ҳазор сомонӣ гирифтааст. Мақомот гуфтанд, ин афсар бо сӯистифода аз мақоми хизматиаш ин маблағро гирифта, "ба манфиати шахсиаш сарф намуд". Назари Сатторзода А. ва наздиконаш ба иттиҳом маълум нест. Рӯшан нест, ки ин афсар дар додгоҳ то куҷо ба гуноҳи худ иқрор кардааст. Читать дальше...