Aşgabatda dem alyş ýollarynyň ýokanç keselleriniň giňden ýaýramagy dowam edýär. Dümew alamatlary bilen geçýän keselçilik esasan hem çagalarda agyr geçýär. Köp hojalyk zerur bolan dermanlary satyn almak üçin öý goşlaryny we awtoulaglaryny satmaga mejbur bolýar.
Lebap welaýatynyň Türkmenabat şäheriniň iň gelim-gidimli bazarlarynyň biri bolan “Gök” bazarda şu günler alyjylaryň sany göz-görtele az boldy. Telekeçiler täze ýylyň ilkinji aýynda söwdanyň aşa pes bolandygyndan şikaýat edýärler.
Türkmenistanyň Bilim ministrliginiň wekilleri Aşgabadyň orta mekdeplerine aýlanyp, okuwçylardan we mugallymlardan hüşür-zekatlaryny we sadakalaryny metjitlere däl-de, mekdeplere bermegi ündediler. Olar mekdep zerurlyklary üçin pul toplamagyň sogapdygyny hem aýtdylar.
Mary sebitiniň Ýolöten we Türkmengala etraplarynyň ýaşaýjylary çöldäki öri meýdanlarynda, çekene çopanlaryna bakdyrýan mallaryny gyssagly ýagdaýda öýlerine getirmäge başladylar.
Hökümete degişli bolmadyk guramalar 29-njy ýanwarda Birleşen Milletler Guramasynyň Ženewadaky edarasynda aýal-gyzlaryň hukuklarynyň Türkmenistandaky ýagdaýy barada BMG-niň Aýallara garşy diskriminasiýany ýok etmek boýunça komitetine brifing berdiler.
Balkan welaýatynyň Gyzylarbat etrabynda döwlet eýeçiligindäki maldarçylyk hojalyklary ot-iým ýetmezçiliginden şikaýat edýärler. Gyş paslynyň sowuk howasy maldarlaryň şertlerini kynlaşdyrýar.
Lebap welaýatynyň Türkmenabat şäherinde 29-nji ýanwara geçilen gije daňdan sagat 5:00 töwereklerine çenli ýagan güýçli ýagyş şäher infrastrukturasyna agram saldy.
Şu günler Türkmenistanyň howpsuzlyk gulluklary köpçülik ýerlerinde agyr ykdysady şertlere aç-açan nägilelik bildirýän raýatlary ýüze çykarmak işlerini güýçlendirýärler
Mary welaýatynyň orta mekdeplerinde soňky ýyllarda okuw kitaplarynyň ýetmezçiliginiň has-da ýitileşmegi bilen, okuwçylara sanly kitaphanalardan peýdalanmak maslahat berilýär. Ýöne Internetiň pes tizligi bilim mümkinçiliklerini çäklendirýär. Onlaýn aragatnaşygyň hili juda pes bolmagynda galýar.
25-nji ýanwarda Mary welaýatyna gar gatyşykly ýagyş ýagdy. Howanyň birden sowamagy bilen, Türkmengala etrabynyň Zähmet daýhan birleşiginiň mekdeplerinde synp otaglary odun ýakyp ýyladylýar. Okuwçylar gyş eşiklerinde sapaklara gatnaşýar. Ýagynly howa oba ýollaryny palçyga bulady.
Türkmenistanda harytlaryň onlaýn söwdasynda hilegärlik hadysalary rowaçlanýar. Kezzaplaryň hereketleri Internet bazarlaryna bolan ynamy silterleýär. Bu barada Azatlyk Radiosynyň habarçysy 25-nji ýanwarda Balkan welaýatyndan maglumat berdi.
