Demirýol ulgamyny elektrikleşdirmek, elektrik otlularyna geirmek gowy pikir, ýöne bu iş, ilkinji nobatda, Aşgabat bilen ýurduň dört welaýatyny biri-birine baglaýan Türkmenbaşy-Aşgabat-Mary-Türkmenabat uruglarynda geçirmeli diýip, synçylar aýdýar.
Soňky hepdelerde Türkiýeden deport edilip, ýurda dolanýan raýatlaryň sany göz-görtele köpelýär diýip, Azatlyk Radiosynyň Aşgabatdaky ynamdar çeşmesi maglumat berýär. Ýurda dolanan türkmenistanlylar türk deportasiýa merkezlerindäki agyr şertler barada gürrüň berýärler.
Aşgabadyň prokurory Öwezmämmet Şyhmämmedow tussag edildi. Şäher prokurorynyň tussag edilmegi barada turkmen.news neşiri habar berdi. Azatlygyň çeşmesi bu maglumaty tassyklap, onuň saklanylmagyndan öň, baş prokuror wezipesinden boşadylan Serdar Mälikgulyýewiň hem tussag edilendigini aýdýar.
Soňky üç gün çemesi wagt bäri Lebap welaýatynyň ýangyç guýujy beketlerinde dizel gytçylygy emele gelýär. Bu barada Azatlyk Radiosynyň habarçysy 5-nji fewralda maglumat berdi.
Balkanyň Türkmenbaşy şäherinde tapgyr altynjy gün töleg terminallary işlemeýär. Bankomatlarda nagt pul hem tapdyrmaýan mahaly, ilat, hususan-da, pensionerler bank kartlaryndaky maliýe serişdesinden peýdalanyp, söwda etmekde kynçylyk çekýär.
Balkanyň häkimiýetleri ýokary synp mekdep okuwçylaryna gözegçiligi ýene güýçlendirdiler. Häkimiýet wekilleri okuwçy gyzlary “ahlak päkligi” atlandyrylýan ginekologiýa barlagyndan geçirýärler. Okuwçy oglanlaryň mobil telefonlary barlanýar.
