Türkmenistanda musulmanlaryň mukaddes Remezan aýynyň başlanmagy bilen, azyk harytlarynyň bahalarynyň gymmatlamagy dowam edýär. Balkanyň Türkmenbaşy şäheriniň bazarlarynda käbir önümleriň bahasy 50-200% göterim aralygynda gymmatlady.
11-nji martda ikindinara Aşgabatda we Lebap welaýatynyň Türkmenabat şäherinde güýçli ýagyş ýagdy. Bütin gije ýagan ýagşyň netijesinde, paýtagtyň käbir köçelerinde adamlaryň dyzyna çenli ýetýän ýagyn suwlary üýşdi.
“Türkmengaz” döwlet konserniniň garamagyndaky bir ýerli kärhana Türkmenistan – Owganystan – Pakistan – Hindistan (TOPH) gaz geçirijisiniň owgan böleginiň gurluşygyna türkmen hünärmenlerini we işçilerini iberip başlady. Bu barada Azatlyk Radiosynyň habarçysy maglumat berýär.
Türkmenistan bilen Özbegistanyň arasyndaky söwda dolanyşygynyň mukdary 2017-nji ýyldan bäri bäş esse ýokarlanyp, 1 mlrd dollardan geçdi, emma bu hili pozitiw, oňyn ýagdaýy etniki azlyklara çemeleşme meselesinde görüp bolmaýar diýip, ýerli synçy aýdýar.
Türkmenabadyň 15-nji awtoparkynda saklanylýan täze awtobuslar 8-nji martda bellenilýän Bahar baýramynda hem ulanmaga berilmedi, ýöne olaryň basym ýolagçylara hyzmat edip başlamagy gaty mümkin diýip, ýerli habarçymyz habar berýär.
