Хөснуллин шәхси фатирларны аренда торагының дәүләт системасына кертергә тәкъдим итте

(Казан, 21 август, «Татар-информ»). Хуҗалары арендага тапшыра торган фатирларны арендага торак дәүләт системасына җәлеп итәчәкләр. Россия вице-премьеры Марат Хөснуллин «Россия газетасына» интервьюсында сөйләгәнчә, хәзер киләсе җәйгә Россиядә аренда торагының бердәм мәгълүмати системасын булдыру өчен законлы-хокукый база әзерләнә. Вице-премьер сүзләренчә, җирле хакимият тарафыннан бу базадагы торак ташламалы аренданы субсидияләү өчен файдаланылырга мөмкин (шулай итеп, социаль наем өчен йорт төзү мәҗбүри түгел, шәхси фатирлар арендасын субсидияләргә мөмкин).