Азәрбайҗанның татар җәмәгатьчелеге Сабантуйны милли җырлар һәм биюләр белән билгеләп үтте

Азәрбайҗанның төньяк-көнчыгышында Сабантуй - кыр эшләре тәмамлану бәйрәмен билгеләп үтте. Татар җәмәгатьчелеге вәкилләре милли җырлар һәм биюләр башкарды һәм тантанада катнашучыларны традицион ризыклар белән сыйлады.

Урамда халык көйләре яңгырады һәм өстәлләр әзерләнде. Бәйрәмгә кунаклар күп килү сәбәпле, өстәмә урыннар булдырырга туры килде, дип хәбәр итә Бөтендөнья татар конгрессы матбугат хезмәте.

Сабантуйда милли ризыклар белән сыйладылар. Осталар аш-су серләре белән уртаклашты. 

Бер өстәл артында төрле диаспора вәкилләре дә, төрле ил дипломатлары да, җирле халык та бар иде. «Мондый бәйрәмнәр безне берләштерә. Һәм без тыныч һәм тату яшәргә тиеш дип искә төшерә», – дип билгеләп үтте катнашучы Эльчин Мамедов.

Бәйрәмдә иң көчле һәм җитезләр үзләрен бүрәнәгә утырып капчык көрәшендә сынады. Анда хатын-кызлар да катнашты. Ә милли көрәштә малайлар һәм ир-атлар катнашты. Бәйрәмдә Татарстанның халык коллективлары үз иҗатларын тәкъдим итте, диелә хәбәрдә.