Саратонни енгадиган дори кашф қилганини айтган ўзбек олими Нобелга умид қилмоқда
Ўзбекистонлик олим, кимё фанлари доктори Рустам Нуриддинов, Озодликнинг Прагадаги студиясида суҳбат тугаб, мухбир билан хайрлашаркан, “Хуллас, Нобель мукофоти томон кетаяпмиз”, деди кулиб. Rigard Farmsintez Латвия-Ўзбекистон қўшма корхонаси бош директори, 64 яшар Рустам Нуриддинов узоқ йиллар Латвияда ишлаган, номзодлик ва докторлик диссертацияларини шу мамлакатда ёқлаган.